沈桃
沈桃

闊太要求平 20 蚊

發佈時間: 2016/01/18

最近和一位做旅遊生意的朋友吃飯,聽他大吐苦水,抱怨客戶愈來愈難應付。言談間,有一位衣着光鮮的靚太走過來打招呼。靚太說:「你安排嘅日本行程尚算可以,但價錢貴咗少少喎。」朋友回應:「已經畀到最平你㗎啦!」

靚太不顧有我在場,即時一屁股坐下,一臉不高興的皺起眉頭,愈講愈大聲:「唔係喎,我問另外一個旅行顧問,行程同你一模一樣,仲平過你10蚊。話晒係朋友介紹我嚟,你竟然都貴過人哋十蚊,可唔可以再平啲呀?一係你平20蚊畀我啦,無理由咁少都減唔到啩?」

20蚊真係好少啫!但見靚太衣着華麗,腳踏名牌高跟鞋,身穿某大牌子的連身裙,手挽最新款的鱷魚皮手袋,一看就知是非富即貴的太太,但竟然對那20蚊苦苦執着,還要當着其他人面前講價。

事後朋友告訴我,靚太的行程要求坐頭等艙,住最高級的酒店,吃最好的餐廳,但希望價錢可以做到最平。「問題真係無得再平,如果減到,我一早平咗畀佢啦。」看朋友一臉難色,我深深體會到現在真是搵食甚艱難啊!

(本欄逢周一刊登)

撰文: 沈桃 好飲好食好奇之穿花蝴蝶
欄名: 中環蝴蝶