【聲明】港生活網站並無進行電話推廣活動

林煥光想退下來 但又自指「唔Hea得」

發佈時間: 2016/01/18
  • 1,000次
    分享

黛安平時最愛睇人物專訪,噚日睇完行會召集人林煥光嘅訪問,想同大家分享下。

原來林煥光自幼與馬結緣,細個最難忘去跑馬地中央公園睇動物;長大後覺得跑馬唔單止係一場智力遊戲,從哲學角度睇亦同人生好相似。一場馬嘅勝負包括好多因素,譬如騎師狀態、練馬師嘅戰術等,馬迷只掌握部分因素,最終跑出與否,與天氣等無法預計嘅影響亦有關;就如人生,無論出身幾好、讀書幾叻,父母都唔可以篤定你嘅將來。

正因為人生好多嘢預計唔到,林煥光認為人最緊要識裝備自己。佢仲引用蘋果教主喬布斯嘅講法話,創意諗頭唔係從天而降,而係平時儲喺腦入面,愈多意念,就愈有機會聯繫成創意,所謂天才,其實都係靠平日努力。

佢又話做咗公職40年係時候退落嚟,但自知「唔Hea得」,好彩自己興趣多,鍾意睇戲同睇書,退下來都唔會悶。

撰文: 黛安 消息特靈八卦公關
欄名: 八卦名利場