自拍短片 角逐做「熊貓使者」

圖中嘅小熊貓係咪好得意呢？呢對初生寶貝係聯合國開發計劃署（UNDP）嘅形象大使，最近大會搵緊人幫佢哋改名，如果你都想出一分力，可登入www.sdgpanda.org獻計㗎！

另外黛安接獲海洋公園嘅公關告知，佢哋正幫UNDP招募「熊貓使者」，幫手提升全球對熊貓嘅保育意識。獲選者唔單止可以去內地參加「大熊貓故鄉探秘之旅」，同護理員一起照顧上年出世嘅熊貓BB，仲可以探訪野生大熊貓嘅保育狀況等。想參與角逐熊貓使者？去海洋公園嘅宣傳牌自拍一條短片，上載活動網頁就得㗎啦。