張栢芝與謝霆鋒離婚多時，最近有傳霆鋒與王菲即將結婚，栢芝前晚在北京出席活動時，大方祝福鋒菲：「從第一日佢哋一齊，我講過會完全一百分之一百祝福。」她更透露囝囝Lucas和Quintus都心急媽咪有新戀情。
栢芝前晚獲大會頒發「最具影響力藝人」獎項，又獻唱首本名曲《星願》。她接受訪問時，除了祝福鋒菲戀外，也談及自己的愛情觀。「以前想搵一個我愛佢、我付出所有都得嘅人，但依家想搵一個佢愛我、保護我嘅男人。」她笑言希望另一半是成熟穩重型，但也不介意發展姐弟戀，最重要溝通得到。
Lucas幫媽咪追男仔
栢芝大爆Lucas和Quintus為她「物色」男朋友。「有次我哋喺機場，兩個小朋友離遠見到後生靚仔，就同我講『媽咪，過去同佢傾偈，等佢追你！』佢哋仲跑去個男仔度，話：『我媽咪好鍾意你』！」她笑言尷尬得想「搵窿捐」，又指兒子十分緊張她的幸福。
撰文：李潔盈
編輯：林梓添
設計：鄧俊明