千嬅韓國扮速龍Shopping

楊千嬅自從結婚、生仔後，一直以來都是事業、家庭兩兼顧。她繼2005年奪得「香港十大傑出青年」後，今年再度獲頒「2016亞洲傑出女性大獎」，原本千嬅正在外遊，為了能親手接過獎項，最終臨時縮短韓國之行趕返香港。

楊千嬅和何超瓊獲頒本年度「亞洲傑出女性大獎」，以表揚她們對社會的貢獻。頒獎禮結束後，千嬅表示很開心獲獎，意義跟之前所得的音樂獎項截然不同，這個獎對她的人生有很大鼓勵，她說：「證明咗女人喺生活上嘅能力得到肯定，當年獲頒傑青，父母都有到場，今日佢哋都有嚟，其實做working mama真係唔易。」

千嬅慶幸兒子出世後，有長輩幫忙照顧，讓她專心發展事業，她坦言有時做到好疲累，有一刻想過退下來，但當見到兒子後，又成為自己的動力。

千嬅早前已展開三個月的悠長假期，她和老公丁子高去了韓國吃喝玩樂，她說：「今次同幾個朋友一齊去，日日都食同行街，老公又心急，成日催我行快啲，你都知啦，女人去shopping梗係慢慢睇，佢叫我屈起膝頭行路，好似隻速龍咁行會快啲喎。（食得好暢快？）係呀，日日係咁食，人參雞、炸蝦、炸雞，真係食到驚，我仲肥咗㗎，今日條裙紮住唔覺咋。」

她又笑言可能平日影相太多，去到旅行影相都有點生厭，偏偏老公最愛在景點前留影，又要遷就角度，她謂：「企定定一個位成五分鐘，食風食到飽。」

外地度假慶生

雖然今次沒有帶Torres同行，但千嬅正計劃生日（2月3日）期間一家人到澳洲度假，但暫未知能否訂到機位，否則會轉往新加坡或泰國這些熱帶地方，千嬅解釋：「小朋友仲細，去凍嘅地方怕佢冷病就唔好喇。」

採訪：Pauline

攝影：Lego

編輯：黃寶恩

設計：鄧俊明