大型親子嘉年華 2月科學園有得玩

依家嘅小朋友唔單止要IQ高，EQ同teamwork都好緊要。聽公關姐妹講，明年2月科學園會舉行一個大型嘉年華，除咗有吹氣跳彈床之外，仲首次設300米長嘅親子競跑賽道，大人同小朋友都要過三關斬六將先可以去到終點，絕對可以訓練膽量、身手和EQ！活動由今個星期五開始就可以報名啦！

300米嘅競跑賽道有5關要過，好似有迷宮陣、障礙賽、6米高滑梯等，設有個人組及親子2或3人組，報名費為190至480蚊不等，會送80蚊嘅遊戲金幣，可以玩到2個吹氣跳彈床遊戲。公關姐妹話嘉年華有6個吹氣障礙遊戲，每個玩一次要20至50蚊，仲有表演、甜品坊、扭波波等，一定好熱鬧。提早報名，頭200人會有早鳥優惠，報名費減至150至400蚊不等。