入行跟吳雨唱K 千嬅自嘲鬼樣嚇親人

楊千嬅昨日到商台接受吳雨訪問，千嬅感謝對方當年簽她加入華星唱片，又重提95年參加新秀後，吳雨即相約她與同屆的陳奕迅（Eason）、梁漢文去唱K見師兄、師姐。吳雨笑指千嬅當時怕要陪客，千嬅即說：「我個樣成道符咁，係人見到都走！」

千嬅回憶當年去華星K局，與許志安、蘇永康及張衞健等師兄同場，又大爆初出茅廬的Eason已吹水一流。提到Eason出道不久即被安排到台灣出碟，千嬅坦言好羨慕：「當年Eason最早去台灣，所以依家咪唱到一百幾十場（巡迴）囉，吳雨大哥仲講到佢好慘，其實我當時都好恨出國語碟！」

曾獲邀過檔英皇

吳雨則自爆有個心願未達成，就是簽千嬅過檔英皇。「我簽過林峯、李克勤和Eason，淨係得千嬅冇簽到。如果我返英皇，一定再邀請佢過檔。」千嬅聞言說：「咁大單，你要同楊生（楊受成）傾，好難搞，等我個仔大個啲先啦！」

撰文：李潔盈

編輯：黃寶恩

設計：Simon