香港迪士尼樂園10周年啦！樂園推出不少慶祝活動，好似用《Happily Ever After》做主題的迪士尼10周年可口可樂紀念樽，經典弧形樽設計，前後印上樂園10周年慶典標誌及「可口可樂」商標，一推出已吸引不少迪士尼同可樂迷話要珍藏。黛安聽《晴報》講，一早準備咗送畀讀者𠻹，今個星期日之前，上《晴報》facebook參加遊戲，就有機會獲得限量紀念樽一個、樂園一日門票三張同特選套餐一份，總值超過2,000蚊㗎，名額十個，大家要把握機會啦！

黛安問過迪士尼嘅姊妹，可口可樂紀念樽限量4,500支，唔知銷情點呢？姊妹話，紀念樽推出以來分階段上架，但反應比預期更熱烈，補貨速度幾乎追唔上大家嘅熱情。黛安仲知道，最後一批紀念樽，元旦日就會在小鎮大街百貨店以及兩間酒店指定商品店上埋架，粉絲要留意啦！

講起紀念樽設計，姊妹話一定要留意包裝，大家細心啲睇，就會發現包裝上的米奇老鼠由多個剪影組成，剪影是樂園十年來的發展及擴建項目，好似「反斗奇兵大本營」、「灰熊山谷」等，黛安隨便數數都找到超過20個，你哋又搵到幾多個？