【聲明】港生活網站並無進行電話推廣活動

去麥當勞食紫薯雪糕

發佈時間: 2016/01/21

今日一定要去麥當勞食新地!有人問:「天寒地凍喎,食雪糕?」黛安即刻答:「幾多度都阻我唔到呀今次,因為有我最鍾意嘅紫薯呀!」收到姊妹send相,今日開始麥記甜品站有全新「紫薯の味」甜品系列,包括紫薯扭紋新地筒、加咗粒粒蛋白脆糖同日本紫薯糖漿,相信好有口感嘅蛋白脆糖紫薯扭紋麥旋風等,淨係顏色已經加分!再睇埋日本紫薯糖漿配呍呢拿同紫薯新地,睇相已經好想食!

除咗新出甜品系列,黛安記得,今年適逢「香港麥當勞叔叔之家」20周年,之前宣布咗樂壇天后容祖兒(Joey)會再次擔任兒童愛心馬拉松大募集隊長。聽講今日Joey會現身荃灣愉景新城,同兒童愛心馬拉松教練陳家豪一齊號召大小朋友參與籌款,幫助有需要嘅病童同佢哋嘅家人。

撰文: 黛安 消息特靈八卦公關
欄名: 八卦名利場