【聲明】港生活網站並無進行電話推廣活動

會展員工福利「升呢」

發佈時間: 2016/01/21

會展管理公司董事總經理梅李玉霞(Monica,圖)噚日帶黛安去佢「飯堂」、薈景餐廳食晏。呢度嘅同事都好有禮貌,感覺人人都做得好開心。認識Monica嘅人都知道,佢向來無架子,與同事打成一片,最近呢位親切波士更將旗下千名同事嘅員工福利「升呢」。

聽會展人力資源及行政事務總監關俊傑(Terry)講,佢哋今年起向後勤同事實施五天工作;另又將其他操作部門同事嘅年假制度,由勞工假改為銀行假,令佢哋每年可多五日年假休息,認真唔話得。提升內部福利之餘,對外工作Monica亦好進取。聽伊人講,今年會展吸納咗六至七個嶄新主題展覽,亮點包括極限運動展、3D打印展及針對銀髮族的黃金年代商機展,希望帶畀港人一啲新體驗。

撰文: 黛安 消息特靈八卦公關
欄名: 八卦名利場