會展員工福利「升呢」

會展管理公司董事總經理梅李玉霞（Monica，圖）噚日帶黛安去佢「飯堂」、薈景餐廳食晏。呢度嘅同事都好有禮貌，感覺人人都做得好開心。認識Monica嘅人都知道，佢向來無架子，與同事打成一片，最近呢位親切波士更將旗下千名同事嘅員工福利「升呢」。

聽會展人力資源及行政事務總監關俊傑（Terry）講，佢哋今年起向後勤同事實施五天工作；另又將其他操作部門同事嘅年假制度，由勞工假改為銀行假，令佢哋每年可多五日年假休息，認真唔話得。提升內部福利之餘，對外工作Monica亦好進取。聽伊人講，今年會展吸納咗六至七個嶄新主題展覽，亮點包括極限運動展、3D打印展及針對銀髮族的黃金年代商機展，希望帶畀港人一啲新體驗。