坤哥撞車唔敢追究

新人王吳業坤（坤哥）早前在頒獎禮上攞獎時眼鏡起霧，搞笑得來也很感人。坤哥與許廷鏗前晚出席慈善活動，坤哥自爆親自揸車到場，可惜在途中卻遇上輕微交通意外，幸好人冇事，不想追究的他決定息事寧人，和氣收場。

吳業坤前晚在仁濟醫院慈善活動上表示，駕車前來途中發生了小意外，他憶述：「當時突然畀人切綫，架車亦揩花咗少少，不過大家都好似戇居居咁唔知點好，所以就咁算數，應該我冇錯，大家亦冇特別追究。」

當破財擋災

他笑言大家都好似第一次撞車，結果都沒有要求對方賠錢，坤哥亦以趕時間為由先行離開，算是和氣收場。不過他笑言：「我真係第一次撞車，本身揸車已有三年（經驗），今次當係破財擋災。我都希望藉此宣揚交通安全信息。道路零意外，香港人人愛。」

此外，許廷鏗表示一向有參與慈善活動，曾試過跟粉絲一齊賣旗、賣獎券，覺得做善事之餘又可以與Fans聚會，確是好事，可謂一舉兩得。

撰文：Pauline

攝影：Lego

編輯：陳禮恒

設計：梁政敏