司棋姐為孤獨長者落淚

李司棋前晚以大使身份出席仁濟活動，她表示樂意做探訪工作，可惜有個弱點，就是自己十分眼淺，說時已眼泛淚光：「我記得有次逐層樓家訪，有個婆婆好寂寞，一個人好無助，佢跌爛咗部收音機，連唯一娛樂都冇埋，當時我將所有搭車錢幫啲公公婆婆，我見到人哋慘，自己都忍唔住。」

司棋姐承認為人感性，但拍喊戲又不會每次都成功谷到眼淚，之前舞台劇嘅喊戲，惟有想起主耶穌為自己釘十字架。不過做人其實要保持輕鬆情緒，否則好容易生病，經歷過大病的司棋姐有更深體會。