手機掃描食物 卡路里一目了然

一碗飯200卡路里、一條香蕉100卡路里……對於注重健康嘅人嚟講，每次食飯都要左計右計，好麻煩啫？或者以下呢樣產品可以幫到你。

美國第二大群眾集資平台Indiegogo，近日正為一間西雅圖公司嘅科研產品NutriRay3D進行籌款。佢其實係一個食品掃描儀器，只要將佢裝喺iPhone上面，用以掃描枱上嘅食物，入面嘅3D影像處理技術，就可以計算出面前食品嘅卡路里；儀器仲會記錄低你嘅飲食狀況，分析成為個人營養報告，讓你更清楚了解自己嘅健康狀況。現時，每部機嘅售價為199美元（約1,552港元），但前提係公司要籌夠五萬蚊美金（約39萬港元）開發資金，先會正式投產，最快今年九月推出市場。