陳瀅否認被猷亨包養住豪宅

陳瀅和賭王兒子何猷亨打得火熱，兩人拍拖更獲四太開綠燈，令感情得以公開。不過當談到她被指受到包養而升呢住豪宅，她就堅決否認。

陳瀅昨日出席時裝品牌Juicy Couture春夏展活動，蜜運中的陳瀅不時露出甜笑，活動後接受訪問，她也大方談論與何家公子的戀情。兩人拍拖後，有消息指她現時居住在西九豪宅君臨天下，物業是何家持有的，更直指她被包養，陳瀅稱：「我係有同人同居，係姓何，叫何雁詩，同居咗一年好開心，係我哋租住物業，同男友家人無關。」被形容「包養」會否介意？她說：「不實報道唔想提。」猷亨早前亦開腔護女友，問是否很sweet？陳瀅就說笑指與好姊妹劉佩玥（Moon）才是一對：「阿moon畀人話撬牆腳，其實係我畀男友撬走咗。」

男友未見家長

陳瀅自言剛放完假由溫哥華返港，不過她今次並沒有帶男友同行，她解釋：「好耐冇返屋企，想今次同屋企人有私人時間。（家人知你拍拖嗎？）屋企人有睇新聞，講咗少少，（家人滿意男友？）未知，始終未見過，睇遲啲一齊有時間先，返去要飛十幾個鐘，等大家穩定啲先啦。」

四太批准戀情

對於四太開綠燈批准兒子和她拍拖，似乎對她印象不錯，陳瀅笑笑口謂：「你哋講啫，問番佢啦。」與猷亨即將共度首個情人節，陳瀅坦言未諗到買甚麼禮物。

適逢農曆年，會否趁機到何家拜年？她就說爸爸在廣州居住，所以新年一定會到廣州與爸爸過年，放完大半個月假的她，竟表示情人節希望開工，難道不怕男友投訴？她苦笑謂：「放咗三個禮拜假好悶呀。開心就日日都係情人節啦，拍拖係開心。」問她是否給男友滿分？陳瀅稱要觀察多一會，她又說與男友早在讀書時已認識，至於拍了拖多久就不透露了。

採訪：Pauline

編輯：林梓添

設計：鄧俊明