陳蕊蕊前晚在荃灣出席一個內衣品牌活動，縱然近日氣溫急降，但是一眾女嘉賓依然穿着性感上陣，當大家替蕊蕊感到抖顫之餘，旁人看來倒覺得好吸睛。

陳蕊蕊男友金剛去年捲入台灣夜場槍擊案，近日又盛傳兩人鬧分手，前晚見到蕊蕊在活動上木無表情，似是心事重重，她立刻解釋：「冇嘢呀！肚餓啫，頭先我趕過嚟，而且自己又未ready好。」

冇考慮搬開住

提到金剛與「神獸天使」蔡慧欣態度親暱，蕊蕊一再否認因此而傳分手，她解釋男友最近同梁烈唯主持飲食節目，蔡慧欣其實是嘉賓，明白只是工作，不會呷醋。她強調無意與男友分開住，或者考慮新春期間陪金剛返台灣過年。

她又表示：「其實做嘢唔係男仔就女仔，不過我未睇報道，金剛已經主動講，可能佢怕我誤會，咪解釋畀我聽。（似乎佢好緊張你？）ok呀，唔知點解會有咁多傳聞，可能有節目出街，當係宣傳啦。」

撰文：Pauline

攝影：Lego

編輯：陳禮恒

設計：鄧俊明