【聲明】港生活網站並無進行電話推廣活動

《沽注一擲》唔關秋官事

發佈時間: 2016/01/22

近日港股跌市,引起股民關注,湊巧一部講美國金融危機的新片《沽注一擲》開畫,但是沒有鄭少秋演出的,今次應該唔關秋官事。

影片取材自2008年的次按危機,泡沫經濟引致一場浩大的金融風暴,台灣譯名《大賣空》,更簡易說明是一場跌市中的交易策略,有人一早洞悉天機發現美國樓按問題嚴重,趁機會做逆市股神。

畢彼特近年喜歡做監製,順便在戲中擔演一個角色止戲癮。繼2011年的《魔球》之後,畢佬再把小說家Michael Lewis的暢銷小說搬上銀幕,今次角色較為豐富,有基金經理膽大心細自信會撈一筆可觀油水,有銀行才俊專靠把口搵大水喉支持,亦有華爾街小子搵絕世高人出手相助,各人性格鮮明,唯獨西裝友都甚少理會家庭。

導演擅以喜劇手法包裝,影片開首已講明唔識唔緊要,對事情一知半解、自以為是才是致命傷。觀眾即使只聽過雷曼,但唔識分房利美、房貸美都不緊要,因為導演以輕鬆手法,深入淺出交代那些財經界專有名詞,嘗試將理論變為笑料。不過,相隔多年後,雷曼苦主入場又能否完全抽身,真正做到一笑置之?

撰文: 陳禮恒 在戲院選擇沉默,然後用文字發聲。
欄名: 晴感戲