港鐵「幪面超人」 網上笑料變推廣

「今日得三度，識得着一定咁着。唔知佢件衫喺邊度買呢？真係上雪山都唔怕囉。」facebook專頁「爆笑貼圖區」日前上載一位着住「幪面超人」羽絨搭港鐵嘅乘客照片，一日間獲6,000幾人讚好，有網民話呢位乘客太誇張，亦有人擔心佢笠住個頭難以呼吸，相片仲透過不同通訊程式廣傳出去，掀起一陣熱話。

原來呢件咁特別嘅羽絨係AI RIDERS ON THE STORM出品。點解黛安知？事關品牌公關好醒目，見到張相，立即將其他着過呢件衫嘅明星相、產品資訊廣發傳媒友好，強調件衫得TWIST獨家代理，又列晒分店地址，話你聽做緊六折。成功借網上話題，幫公司做咗一次免費宣傳。