兩個才子坐郵輪 項明生陶傑漫遊大西洋

向來瓣數多多的旅遊專欄作家項明生（James），近日正式加盟華誼兄弟，成為娛樂及旅遊事業部香港區總監。不過他對旅遊熱情不減，早前孖才子陶傑齊齊登上頂級郵輪瑪麗皇后二號（Queen Mary 2），暢遊大西洋美麗島國。

James近年愛上郵輪旅行，去年更出版《提前退休！坐郵輪遊世界》一書，大談坐郵輪之樂趣。今次他與好友陶傑首次同遊十天，二人同樣熱愛歷史、藝術，自然天南地北無所不談。James笑說：「我哋好啱嘴形，大家都唔係只想吃喝玩樂，反而對博物館、教堂、街市等極有興趣，所以想去嘅景點完全一樣。」

首次參加面具舞會

二人遊覽西班牙加那利群島（Canary Islands）時，一同參觀哥倫布博物館，James更尋訪已故作家三毛故居。「一邊參觀，我哋一邊切磋歷史知識，感覺好刺激！」此外，James今次更首度參與郵輪面具舞會，令他印象深刻。「舞會就好似《歌聲魅影》（The Phantom of the Opera）咁，賓客都戴住面具，認唔出對方，感覺好有趣。」

撰文：李潔盈

編輯：林梓添

設計：nc