點解鑽石戒指要揀Tiffany？下次有人問你，姊妹們識答可以咁答：「因為Tiffany準則同通用標準係唔同㗎，用佢哋嘅標準係要放棄全球99.96％靚鑽石」。

呢句說話，其實係Tiffany & Co.最新廣告焦點之一，鏡頭聚焦Tiffany工匠，由佢哋講出一隻鑽戒背後嘅堅持。例如首席寶石學家Melvyn Kirtley咁樣講：「我願意，堅持摒棄全球99.96％的高品質鑽石，因為Tiffany準則與通用標準是不同的。」今次campaign主題為「I WILL」（我願意），用工匠把口，帶出一隻Tiffany Setting六爪鑲嵌鑽戒點樣成為130年經典。

黛安睇完廣告先知，通過品牌寶石鑑定室鑑定評級先係Tiffany鑽石，而成為經典六爪鑲嵌鑽戒，仲有兩個好重要工序——獨特切割同拋光工藝。每粒Tiffany鑽石，唔理幾大粒，都要有57個切面，一面不能少。拋光師Jorge Jimenez嘅「I WILL」，就係「我堅持每顆鑽石57個切面逐一精準拋光。若只有56個切面達到完美，我認為它仍然是失敗的。」