上星期六，一班香港浸會大學校友喺大學會堂，盡情盡力表演，只為送母校一份生日賀禮。黛安聽講，題為「我們都是浸大的」嘅校友Show籌備超過一年，台前幕後集合逾百位來自七個唔同學院學系、超過15個部門、橫跨六個年代嘅校友精英參與製作同演出。

黛安聽講，今次校友Show以浸大五位校長帶領浸大發展嘅故事做骨幹，透過話劇、管弦樂、合唱、朗誦、舞蹈、魔術及歌唱等藝術元素，回顧60年嘅歷程，表演同時向前任校長林子豐、謝志偉、吳清輝、陳新滋及現任校長錢大康致敬。五個角色分別由倪秉郎、梁家權、趙國雄、葉家寶同鄭丹瑞飾演。

主禮嘉賓食物及衞生局局長高永文話致辭時都話，好開心校友Show全球網上直播，等校友同市民都參與到。錯過直播唔緊要，精華片段喺海港城、路訊通、信和旗下商場同浸大校園電視播放，重溫可以登入（www.hkbu.edu.hk/60ashow）。