入行十周年 Kay預告暫別樂壇

謝安琪（Kay）今年踏入樂壇十周年，為紀念這重要時刻，Kay揀選了在4月15及16日於紅館與歌迷共度。完成今次巡迴個唱後，Kay宣布將會暫別樂壇最少一年，未來日子會全副精神放在家庭上，陪伴家中兩老旅行，甚至隨時為張家添多個新成員！

昨日巡唱的記者會進行期間，方大同突然捧着一籃菜出來，令Kay哭笑不得，他笑言：「今朝阿媽幫我買！（會擔任演唱會嘉賓？）會盡量做，得閒一定到。」事後受訪時，Kay表示踏入十周年，在演唱會中要向很多人道謝，例如多來年合作的經理人及唱片公司老闆。至於丈夫張繼聰？Kay說：「佢要拍劇，到時可以嚟睇騷已經好開心，個仔反而會捧場。（上台跳舞？）小朋友已經八、九歲，呢個年紀嘅小朋友心裏諗嘅嘢好難估，佢興起上台當然歡迎啦。」

內地巡唱押後感可惜

Kay表示刻下暫定開兩場，最盡只能開到四場，而香港站會以廣東歌為主，不過她感到可惜的是，內地的巡唱將會押後，至於是否有政治因素，Kay表示要向經理人夏森美了解。她說：「其實最內疚係對內地歌迷嘅承諾無法兌現，在此呼籲佢哋來港睇騷。（豈不是賺少咗？）錢唔係主要因素，今年係十周年，意義更大，內地方面可以肯定嘅係四月前都唔會唱到。」

有消息指Kay完騷後將暫別樂壇，她對此直認不諱：「之前爆肺，休息咗幾個月，到依家身體狀況好番啲，想多留時間陪家人，我會利用呢一年帶父母去旅行，始終媽媽年紀大，記憶力開始差，帶佢去旅行，希望留個美好回憶畀佢同自己。」問到會否順便履行「造人」大計？她笑言：「可以嘅話當然最好，總之呢一年會奉獻晒畀屋企人。」

採訪：Pauline

攝影：林良明

編輯：林梓添

設計：鄧俊明