Sally讚阿Lam：佢係好裁縫

林子祥（Lam）一連四場《佐治地球40年》紅館演唱會，前晚來到第三場，演出環節較前兩晚有少許改動，由葉倩文（Sally）繼續爆阿Lam的特別癖好，鍾意做裁縫在屋企改衫，更笑言她認識了一個識唱歌的裁縫實在太幸運，逗得台下觀眾發笑。Sally又讚阿Lam是全世界都鍾意搵他唱歌的人。「因為阿Lam唔使化粧整頭，唔使靚車靚衫，單丁一個人乜都唔需要，連老婆就唔需要。」

當阿Lam獻唱《最愛是誰》時又忍不住喊，他邊唱邊行近觀眾席時，有個Fans搵他自拍握手，又貼假鬚扮阿Lam，將他弄得又喊又笑，阿Lam稱這些是開心的眼淚。之後又順應女Fans要求錫了對方面珠一啖，十分親民。