【聲明】港生活網站並無進行電話推廣活動

曲奇薈K11開旗艦店 食住曲奇飲伯爵茶

發佈時間: 2016/02/02

收到「曲奇大王」黃志煒(Joseph)消息,曲奇薈有新發展,認真可喜可賀。噚日黛安去曲奇薈尖沙咀K11旗艦店,一睇就知肯定唔只賣曲奇咁簡單。入門口左面係櫃位,右面陳列架除咗禮盒,仲有茶壺茶杯,唔通係賣茶?Joseph同黛安講,機緣巧合在K11開店,期望是蛻變機會,更說:「K11特點之一是有藝術氣氛,曲奇薈係呢度唔想淨係賣曲奇。大家行入嚟,可以試塊餅、飲杯茶;未來仲希望舉辦講座,例如搵紅茶大師教品茶等。」

對產品有要求,店內品嘗嘅點會係普通茶?Joseph笑住話,「鎮店之寶」包括以茶為主題嘅曲奇系列,除咗《茶薈》,仲有去年新推出有六款口味嘅《伯爵‧藍夫人曲奇》。佢嘅同事話,揀茶葉花咗唔少時間,包括選用意大利茶葉,「曲奇製成後,入口嘅茶味同用熱水沖泡比較,相對較淡;所以都想大家品嘗茶味曲奇之餘,飲到我哋用嚟做曲奇嘅茶。

撰文: 黛安 消息特靈八卦公關
欄名: 八卦名利場