學友被發哥推做影帝

上周五公布香港電影金像獎入圍名單，張學友、張家輝、劉德華、梁家輝和郭富城齊齊爭影帝，今年無份入圍的周潤發和劉嘉玲「唱雙簧」睇好學友首度封帝。

賀歲片《賭城風雲III》前晚在灣仔舉行首映，片中幾位主角皆有現身，周潤發（發哥）率先跟媒體打招呼，又笑指學友行得慢在扮大牌。發哥隨即打開話匣子，表示好開心，因為套戲未上映已出現三個（候選）影帝，劉德華、張學友及張家輝各自有作品入圍。

發哥笑指張家輝要讓大佬（張學友），因學友從未攞過香港電影金像獎影帝，此時嘉玲轉身問學友：「你係邊部戲入圍？」學友不介意，更幽自己一默：「好可憐㗎，個個話『畀佢啦！畀佢啦！』話晒當年我喺印度攞過獎，感受過那種喜悅，但因為印度經濟唔好，只係通知咗一聲（得獎）。」

有信心撼贏星爺

張家輝在旁忍不住揶揄：「個獎有咖喱味！」發哥大讚學友奪印度影帝好犀利，嘉玲也表欣賞：「如果我同發哥係評審，我哋一定畀學友，因為佢太少拍戲。」

此外，發哥又稱有個心願，希望同周星馳、張家輝、劉德華合作拍戲，家輝說有難度，發哥話：「星仔肯嚟就得啦！」家輝笑稱這正是難度所在。提到有網民發起罷睇王晶執導的《賭城風雲III》，學友即笑說：「佢（王晶）同部戲無關係，大家幫我講番出去！」發哥就踢爆王晶在片場只管睡覺，但醒過來又會知道拍甚麼。

周星馳已三年沒有新片推出，問眾演員可有信心贏星爺的《美人魚》？張家輝忽然爆咗一句：「睇《賭》好開心，想好運就睇《賭》啦，唔睇就倒楣一年！」發哥聞言即附和說：「唔睇就行衰運一年！」至於王晶表示有信心，也不怕被其他賀歲片分薄票房，反正每年競爭一樣大。

採訪：Pauline

攝影：Lego

編輯：陳禮恒

設計：Alex