唔知新劇變倉底貨 郭晉安收足片酬無有怕

無綫兩綫賀歲劇同時在下星期推出，之前有傳黎耀祥擔演的《財神駕到》被臨時抽起不播，最近又有消息稱，郭晉安孭飛的《末代御醫》亦成為倉底貨，不過安仔卻不擔心，認為公司拍好的劇集必定會有見天的一日。

郭晉安（安仔）和萬綺雯（蚊蚊）、朱晨麗等出席劇集《致命復活》開鏡拜神活動。對於安仔有份演出的另一劇集《末代御醫》變成倉底貨，他聞言後反問：「係咩？我唔知呀，仲未收到公司通知，都係傳啫。到播出街大家咪知囉，唔需要猜測，亦唔需要擔心。」安仔表示大製作投資了好多資源，相信不會不見天日，至於他的酬金亦已收齊，笑言不播的話他會感到唔好意思。

同劇的萬綺雯透露將會到越南拍外景，在當地會拍攝一場發生於十年前的強姦戲，在旁的安仔嘲笑她從亞視被強姦到無綫。蚊蚊表示過往拍劇被強姦的次數不多，反而每次緊張的都是她的對手，蚊蚊笑言：「拍強姦戲往往男方比較緊張。試過有對手問可唔可以扯開我件衫？真係好搞笑。」她透露開工至年廿八，年廿九收爐，是近四年來首次在農曆年放幾日假休息，可以輕輕鬆鬆與家人一齊食團年飯。

短髮朱晨麗似師奶

此外，在劇中飾演女強人的朱晨麗剪了一頭短髮出席開鏡儀式，她表示：「係第一次剪短髮，自己接受到但有男同事叫我留番長頭髮，有朋友就話我似師奶，唉！其實係真朋友先會咁講。」新劇角色外形硬朗，她有感可能有人認為她很cool，甚少主動交談，不過她解釋其實自己都似女仔性格的，內心跟外表並不一樣。

撰文：Pauline

編輯：黃寶恩

設計：鄧俊明