謝天華不覺「飲尿」失尊嚴

謝天華昨晚與佘詩曼、陳小春及洪天明等出席某時尚品牌開幕活動，提到早前參與內地真人騷《跟着貝爾去冒險》時玩到要飲尿，引來極大回響，天華昨晚回應時表示：「都唔知點解咁大回響，呢個係求生節目的意義，冇水飲要保命，就要飲自己啲尿，係可以有一綫生機。（今次係底綫？）有咩盡得過佢？（食屎？）其實我有問過，但食屎保唔到命。」

天華表示現場得知要飲尿時，都覺得幾盡，但他認為要玩就要投入。對於網民直指天華為賺人仔而失尊嚴，天華坦言：「一啲都唔覺得冇尊嚴，係人生考驗。（飲完狂漱口？）哈哈，咁又冇，冇想像中咁難受！」

攝影：林良明