太子賀年曲奇

發佈時間: 2016/02/03

摯友、老同學牛仔,每逢過年前定必給我送上幾罐曲奇餅,初時不在意,只覺鬆化,奶油味濃郁,跟目下內地來港消費的遊客爭相搶購的那個牌子差不多。再過一年又送來幾罐,兼加上一句:「我太座話牛油香味沒去年那麼濃!」

係咩?仔細品嘗,又係喎。不過奶油酥香降低,但曲奇滋味提升,好吃!

去年過年前終於忍不住問老友記:「到底太子曲奇幾銀一罐?」收到答案,吓!只是一般巿面上的本地出品,同類型優質曲奇價錢的四分三、甚至一半的價錢?包裝簡約華貴,味道和品質不下於任何一家名店,價錢非常相宜。來、來、來……給我訂一打12罐,送贈親友。

今年再訂,與牛仔邊吃邊比較。他說:「今年牛油味比去年又低了一點,不過太座話更美味……」老老實實,真的是更進步、更美味!答:「優質曲奇並非勝在奶油用得多,油膩膩才算上乘。熟悉歐洲原產自當明白,重要的是味道與質感平衡,食材包括麵粉、奶油、鹽、糖、果仁、乾果、朱古力皆要選料上乘。」

不過,行內人耳語近年基因改造太厲害,如今吃到的麵粉與昔日比較,難再保持素質不變,單單麵粉一項已令經驗豐富的老師傅頭痕。港人習慣叫牛油應改為奶油,日常吃用的菠蘿油、曲奇餅、蛋糕者,全皆由牛奶提煉,應叫奶油。

(本欄逢周三至五刊登)

撰文: 鄧達智 遊山玩水See The World
欄名: I SEE