【聲明】港生活網站並無進行電話推廣活動

羊年消費新聞 競爭例生效「最抵讚」

發佈時間: 2016/02/03

個個都係消費者,消費相關新聞你又跟得貼唔貼,講起羊年最令你印象深刻又有邊一單新聞?經過近4,000名市民熱烈投票後,由消委會同《晴報》、《香港經濟日報》、有線新聞台、香港電台等幾間媒體合辦嘅「羊年十大消費新聞選舉」噚日有結果,黛安聽《晴報》姊妹講,今年投票人數創新高𠻹,反映消費新聞的影響力。

黛安聽消委會主席黃玉山講,短短三個星期,投票人數已經歷年最多,仲話結果係消委會嘅重要參考資料。佢又提到,今年選舉踏入第12年,除咗十大消費新聞,特別增設三個主題獎,包括「最離譜」、「最大快人心」同「最抵讚」。結果三個特別獎分別由「大埔劍橋護老院涉虐老長者天台被脫光等洗澡」、「翠湖花園天價維修飯局商圍標判頭認行賄」、以及「競爭例生效有利各界」得到。

黃教授又話,「劍橋護老院涉虐老」呢單新聞仲係十大消費新聞第一位,反映大眾非常關注維護長者人權。

撰文: 黛安 消息特靈八卦公關
欄名: 八卦名利場