【聲明】港生活網站並無進行電話推廣活動

今日食「惠方卷」祈福

發佈時間: 2016/02/03

把握特別日子,為產品增添意義,都係宣傳好蹺。黛安聽元氣嘅姊妹講至知,今日係日本節分,根據傳統,呢一日向住「惠方」,一口氣食晒成條象徵福氣嘅「惠方卷」,就可以為新一年祈褔。今年嘅惠方係「南南東」,即係東南偏南。唔識整咁點算?元氣壽司為你準備咗,用蟹柳、青瓜、玉子、飛魚子同葫蘆乾製成嘅惠方卷,五種材料分別代表幸運、健康運、金錢運、愛情運同工作運,食完唔止個胃大滿足,連運氣都滿滿!

想延續福氣,開心過猴年,今個新年聚會去元氣堂食或者外賣自取滿250蚊,仲可以獲得「大滿足全盒」一個,有齊得意利市封同壽司揮春,仲有惠方卷換領券𠻹。

撰文: 黛安 消息特靈八卦公關
欄名: 八卦名利場