冒得罪全球華人女星之險 城城向鞏俐狂笠高帽

郭富城在《西遊記之孫悟空三打白骨精》中，與飾演白骨精的鞏俐有不少對手戲，城城公開讚鞏俐是全球華人女明星No.1，令她既驚且喜，兩人同聲表示希望將來再合作。

《西遊記》前晚在銅鑼灣時代廣場舉行首映禮，被譽為史上最靚美猴王的郭富城，與鞏俐、陳慧琳、馮紹峰、小沈陽等盛裝出席，並預祝電影票房大勝。

郭富城於席間向國際影后鞏俐狂送高帽，大讚她是全球華人女星No.1，認為沒有一個女生比她更厲害，又指白骨精一角除鞏俐外無人能及，此話逗得對方笑逐顏開。事後兩人一齊接受訪問，被問到如此抬舉鞏俐，難道不擔心得罪其他女星？城城說：「呢個係事實，大家都公認，同佢合作，對我嚟講佢個氣場好大，唔使多講，大家睇咗電影就知，冇其他人比佢更適合白骨精呢個角色。」今次鞏俐難得來港宣傳新片，但城城嘆稱工作排得密密麻麻，令他未能盡地主之誼請對方吃飯。

平常心爭影帝

憑《踏血尋梅》角逐今屆金像影帝的城城，對周潤發開腔要求華仔、張家輝和梁家輝讓路給張學友，讓他圓影帝夢，城城謂：「對所有頒獎禮都只可以講，多謝評審，自己平常心，其他鍾意點就點啦！我會努力，向鞏俐姐學習，爭取更多國際獎項，有提名係開心事，想攞獎亦係人之常情，但獎項唔係唯一東西，最重要係尊重藝術，演好每個作品。」鞏俐也點頭認同。

陳慧琳（Kelly）在片中飾觀音，她笑言只是坐在雲上飄來飄去：「唔使打，最緊要係靚靚坐喺度，唔使受傷。」會否帶兩個仔睇戲？她表示：「等我今晚sensor過先，特技佢哋一定鍾意，睇下有冇佢哋唔聽得嘅對白。」

採訪：Pauline

攝影：Lego

編輯：黃寶恩

設計：鄧俊明