周秀娜自家內衣品牌 登陸ZALORA

有模始祖之稱嘅藝人周秀娜（Chrissie），除咗演藝事業，黛安覺得，最欣賞佢除咗性感演出，亦落力轉型，打入電影界，同時落力發展自家品牌。

Chrissie嘅自家內衣品牌LAANAA，以性感時尚做定位，加埋佢本人做「生招牌」，產品都相當受歡迎。黛安仲不時留意，Chrissie親力親為，自己親自睇舖收銀嘅報道，真係要講句，成功係有原因嘅！最近黛安收到消息，LAANAA成功登陸大型時裝購物平台ZALORA，可見品牌的確具吸引力。

講起ZALORA引入嘅潮牌，黛安仲知道，ZALORA近期仲同永泰零售合作，引入英國潮牌、主打優質高街女裝嘅Wallis，大家真係要登入網站或手機App睇真啲！ZALORA集團營運總監Tito Costa都話，Wallis加盟印證ZALORA追求產品風格更多元化嘅決心，又提到今次合作鞏固ZALORA同永泰零售長期合作夥伴關係，即係未來會有更多國際高街時裝品牌！