歐洲聯盟駐香港及澳門辦事處，同百老匯電影中心協辦的「歐洲電影節2016」，今個月26號到下個月11號，一連兩個星期喺百老匯電影中心同PALACE ifc舉行。黛安睇過電影名單，題材包羅萬有，應該總有一套係你嘅心水之選。

好似開幕電影愛爾蘭《布魯克林之戀》就榮獲本屆金球獎最佳女主角提名同奧斯卡三項大獎提名，包括最佳電影、最佳改編劇本同最佳女主角。門票今日開始公開發售，影迷要把握機會，詳情可以瀏覽（www.cinema.com.hk）。