鄭伊健與蒙嘉慧結婚三周年，早前兩人選擇遊埠慶祝。復工不久新春將至，伊健說放假到初十一才開工，並與一班「古惑佬」團拜。

鄭伊健前晚出席眼鏡品牌活動，他表示去年病到現在，早前去澳洲拍特輯時開始病，終於知道咩係「內感」，可能趁新春假期搵中醫調理。他又透露將會留港過年，支持本土經濟，最想到油尖旺鬧市辦年貨，並謂：「以前我會落旺角買玩具，但近幾年都執晒，我都會睇下賀年飾物。（是否喬裝打扮？）咁又唔使，我喺架車度之嘛。」

唔心急生B

過年後將與一班「古惑佬」團拜，伊健續稱：「佢哋個個都生咗，得我冇，其實我每年都蝕錢，但我鍾意！（快啲生個B？）唔使喇，我寧願畀。（有出冇入？）會玩下賭局嘅。」

撰文：Pauline

攝影：Lego

編輯：陳禮恒

設計：鄧俊明