不一樣的情人節 PMQ孖住上工作坊

猴年第一次同大家見面，祝各位身體健康，心想事成！今年農曆新年啱啱過，緊接住就係情人節啦！姊妹們都話忙到飛起，未諗情人節做咩好，黛安即刻搜集資料，想過一個不一樣嘅節日就要留意啦！

PMQ元創坊就有唔同嘅慶節活動，好似喺場內尋找「情」字印花或完成指定任務，即可免費參加「有情工作坊」，為所愛之人送上綿綿情意。工作坊有四個，DIY環保袋、手捏黏土玫瑰、手繪咖啡杯同手作鑽石彩盒。

參加工作坊唔夠？PMQ仲同MOViE MOViE by bc合作，只需網上報名，成為PMQ Friends，即有機會獲得免費入場證，趁住周末帶情人睇場好戲。睇戲之餘仲有得交換禮物，入場時，帶件屬於自己嘅「有情之物」，睇完戲可以同人交換，睇下自己換到咩！報名詳情可以登入（http://www.pmq.org.hk/event/in-love-theatre）