花旗伍燕儀 帶財神向員工派利市

做管理層，過年過節向員工表達關懷，可以增加員工對公司嘅歸屬感。好似噚日大年初四，係唔少上班一族猴年開工日，花旗銀行環球個人銀行服務香港區總經理伍燕儀（Angel）就同象徵財運亨通的財神，去花旗中環會德豐分行，同員工一齊迎春接福。

企喺財神旁邊嘅Angel着住紅色衫，拎住生意興隆揮春，十分醒神。佢話祝願各同事在猴年萬事勝意、身體健康。之後財神仲去到花旗太古坊辦公室，向各部門員工大派利市，希望在新一年他們工作順利、事業更上一層樓，員工當然樂於向財神一沾財氣。