鄰居火燭 Bobby撲火

歐陽震華（Bobby）在新春期間休息了幾日，卻病足幾日，昨天返將軍澳電視城為新劇《一屋老友記》拍攝一場救火場面，他自爆在現實中亦做了救火英雄，住宅樓下發生火警，今次算不算火燒旺地？

歐陽震華昨午開工拍攝救火戲，過程尚算順利，Bobby入到「火場」更打趣表示：「啲火細過我屋企嗰日喎。」事緣年初一，他的寓所樓下出現一幕烈火雄心，Bobby似消防員上身拿着滅火筒救火，他解釋：「年初一同太太從外家食完飯返到屋企樓下，見看更同菲傭手舞足蹈，於是走埋去八卦下，看更好平淡話出面花園火燭，出去睇啲火燒到十呎八呎高，看更好淡定攞咗滅火筒出來又唔識開，幫佢打開咗，點知噴到我成身都係粉，後來我自己拎起滅火筒去救火。」最後毋須叫消防車到場，慶幸亦沒有人受傷。

Bobby又謂，年廿九已收爐，一心以為放假幾日好好休息，怎料變成「假期病」，病足幾日都躲在家中瞓覺，昨日開工還有點聲沙。

蚊蚊：新年唔好講亞視

而在隔籬錄影廠抱恙開工的萬綺雯（蚊蚊），她苦笑謂：「真係病到暈暈地，新正頭出門口竟然忘記帶利市，但呢幾日已經好轉。」問到娘家亞視近日的情況，蚊蚊卻落閘稱：「新年唔好講呢啲啦。」

採訪：Pauline

攝影：林良明

編輯：陳禮恒

設計：鄧俊明