嘉玲包廂等睇 麥當娜巡唱

劉嘉玲昨日出席海港城賀歲活動，並主持敲鑼鼓及醒獅點睛儀式。前日情人節，嘉玲獨自乘坐巴士去行山，老公梁朝偉未見同行，問她可有收到偉仔的禮物？嘉玲表示：「情人節好簡單，只要有花收就得。」

身穿低胸長裙的劉嘉玲，由兩名打扮成猴子的小朋友陪伴出場，並向市民拜年，她透露今年依足傳統買桃花、桔及牡丹花擺放家中，還一早包好利市。有感去年忙碌一整年，她趁農曆新年留港休息，問到老公梁朝偉可有幫手布置家居？嘉玲笑言：「偉仔坐享其成。」其後解釋偉仔去了印度搵法師，但她要出席新春活動，故此沒有陪偉仔同行。

有報道稱嘉玲豪花50萬元在澳門包廂宴請好友欣賞國際天后麥當娜巡迴演唱會，她表示包廂可容納20人，非常期待睇騷，並坦言已錯過了娜姐上次在日本開騷，今次一定要捧場。問她是否娜姐歌迷？嘉玲即謂：「佢啲歌陪住我長大，好尊重呢位藝人不斷進步，每次演出同造型都令人非常驚嘆。」問到偉仔會否同行？嘉玲說暫時未知。

李丞責指太太似武則天

她又透露偉仔稍後將會返港，之後會重新開拍王家衛執導新片《擺渡人》。記者表示詫異要再拍，但嘉玲神態自若說：「要問番電影公司，不過澤東出品，王家衛監製，係值得用時間去期待。」

同場的玄學家李丞責表示太太劉倩婷臨盆在即，目前懷胎九個月，隨時生得，太太相當精神，在家中十足武則天般，總之她想食甚麼他就立刻去買。

採訪：Pauline

攝影：林良明

編輯：陳禮恒

設計：梁政敏