祥仔股票帳面蝕過百萬

新春過後股市一開即瀉，不少股民踏入猴年即在股票市場上損手爛腳，連視帝黎耀祥也慘遭滑鐵盧，暗示損失近百萬元，難怪新春假期後隨即動身赴美國登台搵真銀，幫補一下被蒸發的帳面數字。

黎耀祥昨日出席新城電台新春團拜活動，他透露即將啟程到美國登台，是次會到訪芝加哥及紐約，中間有時間會玩幾日當度假。不過，因囝囝已開學，所以此行只得太太陪同。他說太太在當地有親戚，因此會抽空探親，又笑言每年盡量會去一次旅行，與太太二人世界，加上朋友喜歡去日本浸溫泉，所以會揀冬天前往。談到近日股市大跌，祥仔不諱言今次不幸中招，導致股票場上損手爛腳，他說：「好彩我買開穩陣啲嘅，比較大啲、國際嗰種，跌咗都可以長擺喺度。」可惜帳面數字還是蒸發了三成，細問之下，他默認不見了近七位數字，所以今年要努力工作。

鄭俊弘唔急開紅館騷

鄭俊弘（Fred）自爆情人節宣傳新碟後就躲在家中休息，但不覺得寂寞，因為有愛犬陪伴，目前仍是單身的他表示，不怕見到一雙一對，公司老闆亦沒有表示不准拍拖。

有傳唱片公司為他入紙申請紅館開騷，Fred表示未有聽聞，本身也不急於在紅館開騷，始終擔心入座率之餘也怕不夠歌，希望多等一年才踏上紅館舞台。

撰文：Pauline

攝影：Lego

編輯：林梓添

設計：鄧俊明