【聲明】港生活網站並無進行電話推廣活動

打造首間米芝蓮一星泰式餐廳 David Thompson獲終身成就獎

發佈時間: 2016/02/17

「亞洲50最佳餐廳」名單今個月29號出爐,活動前奏多籮籮,主辦單位上月公布咗「亞洲最佳女廚師獎」,噚日就公布埋2016年The Diners Club終身成就獎」,得獎者係來自澳洲的David Thompson。

先後喺悉尼多間法式餐廳磨練廚藝嘅David,因一次泰國旅行而萌生研究傳統泰式美食嘅念頭,更用兩年時間去曼谷學習泰式廚藝知識。佢仲將泰國歷任女族長(matriarchs)流傳落嚟、有過百年歷史嘅食譜做藍本,成功煮出泰式菜餚最真實風味。由佢主理嘅餐廳同樣好多威水史,2001年喺倫敦開設餐廳Nahm,開業短短六個月就獲得米芝蓮一星,係第一間得到呢項殊榮嘅泰式餐廳。David仲擔任過電視節目《Thai Street Food with David Thompson》主持,帶觀眾到泰國熱鬧街頭搵美食;又出過兩本暢銷書《泰國美食》同《街頭美食》。今次獲獎,佢都話「獲得飲食業界同儕投票選出獎項,係與別不同嘅榮譽。

撰文: 黛安 消息特靈八卦公關
欄名: 八卦名利場