AIA手機App會員 日行7500步換戲飛

農曆新年買戲飛，一打開UA戲院手機App，見到心悠BB（劉心悠）同丁子高嘅海報，心諗「佢哋兩個一齊拍戲咩？」原來唔係新戲上畫，而係兩位廣告代言人宣傳換戲飛活動。AIA Vitality健康程式會員，只需要將UA Loyalty Club會籍連接App就可以參加，跟住，一個月內儲夠十日，每日步行7,500步，就換到一張免費戲飛，每個月最多可以換兩張。

品牌近年好落力鼓勵大家注重健康，今次認真有諗頭，做運動可以keep fit，仲儲埋戲飛。聽公關講，今個月同下個月仲有雙倍獎賞推廣，即係兩個月最多可以換八張飛，新會員仲有得豁免首年會籍費用，大家要把握機會啦！