Kelly爆老公教仔道理多

潮媽陳慧琳（Kelly）響應環保，她揚言細仔小龍包穿哥哥蝦餃仔舊衫，農曆新年亦只替細仔買了新底衫褲。Kelly並笑言老公湊得掂兩個仔，只不過口水多多。

陳慧琳昨日出席銅鑼灣時代廣場《金龍醒獅賀新歲》活動，有高層口快快誤把Kelly叫錯Sammi，事後Kelly表示聽不到，亦不介意被叫錯名字。問到新年願望會否渴望追個女？她即耍手謂：「唔好搞啲咁嘢，好辛苦。」

Kelly表示春節期間，一家四口去拜年，最開心是兩個囝囝𢭃了很多利市，又笑言：「今年喺香港拜年，不停食，一定肥咗，我諗肥喺啲暗位，都要keep番先得。」記者問兩個仔拜年時講「恭喜發財」，會否講埋「利市𢭃來」？她謂：「梗係唔得啦，好多長輩一年先見一次，一見面就同人講呢啲，我唔敢教佢哋講呀。」

9月開巡迴騷

此外，Kelly下月將開拍新戲，預計拍攝一、兩個月，細節未可以透露。而她將於九月舉行巡迴演唱會，問到丟低兩個仔去工作會否心掛掛？她說老公可以應付得來，反正早前開紅館演唱會時，老公都湊得掂兩個仔，沒有任何事可以難倒他。Kelly還爆老公最愛跟兒子講道理，「佢一講道理我就行開，講到我已經可以背番出嚟。」

採訪：Pauline

攝影：Lego

編輯：陳禮恒

設計：鄧俊明