屈臣氏購物儲印花 換韓國大熱玫瑰鍋

品牌「籠絡」粉絲，一定要識捉緊粉絲心目中「今期流行」，好似黛安見到唔少facebook專頁分享韓國大熱玫瑰鍋，好多姊妹都話不如一齊訂。記得舊年屈臣氏推出過玫瑰鍋廚具換購，公關姊妹話大受歡迎，今年再接再厲，再推四款韓國製造LA ROSE廚具，畀易賞錢會員用電子印花換購，夠晒「鍋」心！

上網睇咗啲用家分享，原來韓國製造嘅玫瑰廚具有環保陶瓷塗層，有齊易潔不黏底、傳熱快呢類優點之餘，仲有一樣嘢好加分，就係鍋底精緻玫瑰壓紋，擺係度都睇得賞心悅目。點先換到？即日至4月10日，會員買滿50蚊，就有一個電子印花；滿100蚊就有兩個，餘此類推；買指定產品，仲有額外多一個電子印花！