3香港免費派5GB卡 上網用App煲劇

收到3香港老友信息，品牌又有新搞作！下個月月中起，3香港同指定商舖門市，會免費派發「myTV SUPER」5GB數據儲值卡，等大家可以用3香港嘅4G網絡，30日內免費喺無綫電視新App「myTV SUPER」煲劇。唔只劇集，黛安聽講，熱門港、日、韓劇集、粵語片、動畫、綜藝及兒童節目都有齊，5GB卡數量有限，大家要密切留意幾時派啦！

和電香港營運總裁陳婉真（Jennifer）就話，「今次破天荒派發免費數據儲值卡，係想結合先進4G LTE網絡同精采TVB內容，等觀眾可以率先用流動裝置免費收看myTV SUPER。」