【聲明】港生活網站並無進行電話推廣活動

西班牙海鮮飯 變身薯片甜又辣

發佈時間: 2016/02/19

近日忙到出晒煙,連食飯都無時間,所以前日收到卡樂B公關速遞來嘅薯片包裹,真係好感動!即時開封與戰友開心Share。

近期卡樂B經常都出新口味薯片,繼早前的法式焦糖燉蛋味及新加坡香辣螃蟹味薯片,今次輪到西班牙海鮮飯及辣肉腸薄餅兩款口味!

若大家遲下諗住買嚟食,黛安會建議先食海鮮飯味(下周末左右推出),事關佢嘅味道相對較淡,打開包裝已聞到陣陣香料味,入口甜中帶辣,好容易食完一包。辣肉腸薄餅味(三月初推出)則比較「重口味」,薯片上有粒粒芝士碎,入口辣辣地、有種煙燻嘅味道。食完叉足電,有能量繼續搏殺。

撰文: 黛安 消息特靈八卦公關
欄名: 八卦名利場