【聲明】港生活網站並無進行電話推廣活動

樂意扒房3月18日講再見

發佈時間: 2016/02/22

有「名人飯堂」之稱的樂意扒房,捱過沙士、撑過佔中低潮期,最終不敵加租,要「說再見」,令人唏噓。

記得舊年喺《晴報》睇到灣仔「名人飯堂」樂意扒房宣布將結業,黛安去食飯時都會同佢哋「打探消息」,問「可以做到幾時?」個幾月前,經理仲話可能三、四月,點知咁快就收到最新消息,3月18日我哋終於要同42年歷史嘅樂意扒房告別。

老闆楊氏三兄弟對餐廳同食客深感不捨,特別計劃喺最後營業嘅時間,為大家送上一份「甜蜜憶記」。三月開始,幫襯樂意扒房,會送一份經典甜品,黛安打電話問過,佢哋話會日日唔同,保持神秘,等大家有少少驚喜。

撰文: 黛安 消息特靈八卦公關
欄名: 八卦名利場