笑言翠如BB靠邊站

劇集《公公出宮》在農曆新年推出，打破過往受長假期影響收視的慣例，上周最高收視達33點。昨日一眾演員出席宣傳活動，大講不文笑話，劇中「乸出位」的曹永廉慘被玩，連真．外父姜大衞也無符！

除了在美國登台的黎耀祥，其餘大部分演員也有出席商場活動，當觀眾獲邀玩遊戲，蕭正楠（Edwin）叫觀眾上台打飾演細雞的曹永廉pat pat，又要阿廉做出公公「肉莖重生」的表情，全場爆笑。Edwin被問到何以要玩阿廉？他笑謂：「考演技嘛，阿廉扮『莖』，佢生成個樣係咁，好多戲佢都係做番自己。」

提到劇集收視報捷，Edwin表示會等祥仔返港後來一次大型慶祝，也計劃光顧阿廉的水煮魚店。Edwin抵死表示：「趁執笠之前請大家食飯，希望我哋食完之後，佢間舖生意興隆。」他又謂，閒時都會光顧，阿廉每次都十分客氣，一定要自己簽單。「其實佢都好慘，做乜生意都咁（蝕本），希望佢可以低處反彈啦。」

此外，Edwin又自爆最愛阿廉，連女友黃翠如都可以暫且放在一邊，Edwin續說：「佢（阿廉）太善良，都差唔多60歲，心智仲係小朋友咁，佢外父（姜大衞）都係大佢少少之嘛，好似一個年頭，一個年尾。」

林夏薇否認杯葛王君馨

有指林夏薇、胡定欣聯手杯葛同劇的王君馨，薇薇即謂：「亂講，識我嘅人都知我性格，多謝報道幫我哋宣傳，拍呢套劇好開心，最深刻係有三次中暑，希望收視再高就着低胸晚裝。（王君馨話私下冇同你食飯？）私下都會成班人食飯，有時間都陪老公同家人，因為大家都好忙。」不過在活動期間，定欣與薇薇經常孖公仔現身，兩人的確跟君馨甚少交流。

採訪：Pauline

攝影：林良明

編輯：陳禮恒

設計：大雄