荷里活高踭鞋賽跑

唔經唔覺，原來荷里活廣場嘅「高跟鞋競跑大賽」第七年舉辦啦！聽公關講，今年搞搞新意思，除咗「男子組」、「女子組」同「情侶組」，新增「創意職業打扮組」，邀請職場男女着制服賽跑，寓意為事業同前程打拼；冠、亞、季軍可以分別得到3,000、1,500同1,000蚊現金券。比賽3月6日舉行，有興趣報名，可以喺商場網頁或facebook專頁下載報名表格，下星期二（3月1日）截止報名㗎啦！