首年派雙封利市 安仔恨孖Sammi睇北極光

已經跟鄭秀文（Sammi）低調結婚的許志安，今年終於派雙封利市，前晚他出席公司春茗時逐一向員工大派利市，皆大歡喜。不過，講到最搶鏡的還是老闆周焯華，有傳他向太太陳慧玲提出復合，兩人更一同出席春茗，而安仔對老闆的感情事則三緘其口。

許志安昨日出席LeSports活動，見他滿臉疲態，原來之前一晚到澳門出席公司舉行的春茗，席上太高興的緣故，飲了少許酒，問到可有拿現金出來抽獎？安仔表示：「冇呀，反而同事抽到獎，不過我都好識做，出席完春茗帶成班工作人員去食嘢，當慰勞大家。」去年已與Sammi結婚的他坦言今年派雙封利市。

對於有指在春茗上老闆周焯華偕太太陳慧玲一齊坐，還有合照，兩人的關係似乎已破冰，向安仔求證時，他說：「係同老闆同枱，但見唔到合照。（見唔見到老闆娘？）問老闆啦，我唔識答。」抵死的他笑言老闆比旗下藝人更加紅。

老婆陪睇波

談到前晚元宵佳節，安仔表示竟然忘記了，直到同事拿湯圓給他吃才醒覺，問到如何與Sammi慶祝？他笑言：「好想去睇北極光，等待北極光嘅時間其實都好浪漫，都要搵機會去一次。」不過他說今年難以實行，始終仍有許多工作要做。再問安仔平日Sammi在家中會否陪他觀賞球賽？他說偶然有，他亦會跟對方講解足球知識；除了球賽，也會一起看寵物、旅遊等節目。

撰文：Pauline

攝影：林良明

編輯：黃寶恩、陳禮恒

設計：梁政敏