《晴報》同事率先睇太興新廣告

太興最新廣告出爐啦！之前喺facebook見到廣告「選角戰」已經好期待，噚日收到《晴報》姊妹邀請，可以同佢哋一班同事齊齊睇太興「My Hero」廣告續集首播，仲見到《晴報》社長麥華章同太興董事兼總經理陳淑芳（JoJo）。

JoJo話，「My Hero」廣告campaign推出嚟來顧客好受落，兩位「My Hero」Eric Kwok郭偉亮同Ray C人氣高企，成日有人問幾時拍續集。品牌一於再度出擊，投資過千萬拍續集「My Hero II：英雄駕臨」。經過廣告選角戰，太興高價同兩位My Hero續約之餘，仲幫英雄團隊搵咗位生力軍--「Hero Chef」阿Jun！

噚日廣告播出前，品牌請埋「美國隊長」造型嘅Hero Chef親自出場，啱晒主題「英雄駕臨」，Hero Chef造型仲好有創意--手持銀色鑊一隻。唔好睇少呢隻鑊，JoJo話，代言人Eric同Ray C分別代表太興兩個重要理念「創新」同「服務」，除此之外，品牌亦重視食物質素，Hero Chef拎住呢隻鑊，就係代表「食物」。

JoJo仲向黛安透露，今年有新任務，就係發展新品牌，「第二季會有東南亞口味新品牌，大眾化得嚟性價比夠高」，聽到已經好期待！